Wohi Larki Last Episode

Wohi Larki…

Saleema ki maa bimar thi,apne aakhri ayyam mein woh bhi Musalmaan ho gai,kuch he maheeno mein us ka intiqaal ho gaya aur us ki maa ki khuwahish k mutabiq hum usey apne sath le aye.Shayad ALLAH ko hamein isi tarhan aulaad ki naimat se nawazna tha.Kaka ne baat mukamal ki.

Iss waqiye ko kayi saal guzar gaye.Sarey dost parhai aur kaam kaaj k silsiley mein juda ho gaye.Muzhar ne M.A Islamiaat mukammal kar k ek college mein lecturer ki nokri kar li.Kuch arse baad us ki shadi bhi ho gai.Mudassir parhai k liye London gaya aur wahin sakoonat ikhtiaar kar li,

Saalon baad Muzhar ne achanak ek bank mein Mudassir ko dekha,dono ghanton baatein karte rahe,purane doston,college k zamaney k qissey sunate rahe.Tu aa he gaya hai to shadi kar k he jana,baaton baaton mein Muzhar ne Mudassir ko mushwara diya.

Mudassir ne mobile nikala aur Muzhar ko ek angraiz larki ki tasveer dikhai,ye Rita hai,London mein hum sath university mein parhte the.Dosti muhabbat mein badal gai.Pichle do saalon mein hum apne flat mein sath he reh rahe hain aur shadi ka soch rahe hain.Mere maa baap ghair muslim larki se meri shadi par tayar nahi,yahan aane ka muqsad yehi hai k unhein mana sakoo.

Arey yaar…ek baat to batana bhool gaya,qareeb ek saal pehle mere maa baap ne ek larki pasand ki thi,mujhe jaise he pata chala k woh kon hai to mey ne forun inkaar kar diya.Tu bhi hota to inkaar kar deta,Mudassir ne josh se kaha…

Acha kon thi woh?Muzhar ne hairat se poocha.Us din hotel wala waqiya yaad hai aur woh larki?Woh chaye waley kaka ki beti bhi thi.Arey wohi jis ki chaadar hawa mein urr kar bilkul hamare saamne ai thi.Hamare saamne he to beparda hui thi.Najaney us ka harba he ho larkon ko apna jism dikha kar,masoom ban kar phaansne ka.

Muzhar heraani se Mudassir ki baatein sun raha tha.Kuch lamhon pehle jo apne mobile par angraiz larki ki tasveer dikha kar fakhriya andaaz mein usey bta raha tha k woh do saalon se ek ghar mein rehte hain,woh ek larki par us k kisi qasoor k baghair keechar uchaal raha tha.

Muzhar ki khamoshi par Mudassir ne baat badalte hue poocha,tu ne to apni shadi par daawat bhi nahi di.Kon hai meri Bhabhi?Khush to hai tu?Muzhar ne kaha,larki meri pasand ki hai,bohot achi hai,bohot khush hun.Pasand ki?Mujhe to lagta tha k tu ne kisi larki ko aankh utha kar nahi dekha hoga,Mudassir ne hairaangi se kaha.

Kia naam hai bhabhi ka?Mudassir ne poocha.Saleema,Muzhar ne kaha.Kon Saleema?Mudassir ne phir sawal kiya.Chaye k hotel waley jan Ali Kaka ki beti”Saleema”…………………..The End