Wohi Larki Episode 2

Wohi Larki…

Bohot tag_o_du k baad kaka k ghar ka pata lagwa kar woh dono wahan pohnche.Darwaze par dastak di to thori dair baad ek larki bahir ai,woh koi aur nahi balkey us din hotel k paas apni khoi hui chaadar k liye roney wali wohi larki thi.

us ne khud ko mukammal tor par dhaka hua tha,lekin us ki aankhein us ki shanakht thin..woh dono usey pehchaan gaye the.Ammi jan ki tabiat ki kharabi k sabab Baba ko unhein ilaaj k liye shaher se bahir le jana parha hai,un ki wapsi par he hotel khuley ga.

Us larki ne mukhtasir ilfaaz mein kaha aur darwaza band kar diya.Wapsi par dono hairat se ek doosre se poochte rahe k woh larki Jan Ali kaka ki beti kaise ho sakti hai kyon k jahan tak unhein ilm tha Kaka ki koi aulaad nahi thi.Shakal_o_surat se to woh kisi lihaaz se bhi “Jan Ali kaka”ki beti nahi lag rahi thi.

Ek maheena guzarne k baad hotel dubara khula tha,ye sab dost aaj bhi wahan jama the.Mudassir ne us larki k baarey mein Kaka se istafsaar kiya to Kaka ne un k saamne purani yaadon ki gathhri khol li:Ghar par milne wali larki hamari apni aulaad to nahi lekin hamari beti ki tarhan zarur hai.

Saalon  pehle jab hum Saangharh(Sooba Sindh ka ilaqa)mein rehte the tab hamare ghar k paas he ek karaye k makaan mein Jabbar naami ek ghareeb aadmi apni biwi k sath rehta tha.ye Maseehi the.Saleema unhi ki beti thi.Beti ki paidaish k kuch maheene baad he ek haadse mein Jabbar ka intiqaal ho gaya.

Saleema bohot chhoti thi,Aurat apna aur beti ka pait paalne k liye eenton k bhattey par kaam karti to nanhi saleema ko hamare paas chhor jati.Meri aulaad ko tarsi biwi khushi khushi subah se sham tak saleema ko apne pas rakhti,woh nanhi pari hamari apni aulaad jaisi ho gai thi.

Meri biwi ko namaz parhta dekhti to uske sath khari ho jati aur waise he karti..Kaam k silsiley mein hamein woh jaga chhor kar yahan aana parha lekin hum kuch saalon baad wahan gaye to Saleema ko musalmaan dekh kar khushguwar hairat hui..Woh us waqt baqaida Quran parhne jaya karti thi.Kaka k chehre par muskurahat phail gai thi…………….To Be Continued